lunedì 30 agosto 2010

1° GIORNATA NAPOLI – FIORENTINA 1 - 1

1° GIORNATA NAPOLI – FIORENTINA 1 - 1
Doje parole ‘ncopp’ ‘a primma jurnata
‘O campionato nun puteva accummincià meglio…’A juventús à perduto! Me so’ arrecriato! Mannasse ‘na pareglia ‘e casecavalle a Vventura e a tutto ‘o Bbari, p’ ‘o rialo ca m’à fatto ‘e mazzulià ‘a vecchia zoccola janca e nnera! Alleluja, alleluja,alleluja!
Quanto a Quagliarella, à avuto tre ppalle bbone e ll’à sbagliate tutt’ ‘e tre! Vulite vedé ca âmmo ammullato â
juventùs ‘nu ddio ‘e pacco?!
Venimmo ô Napule:sí, penzo proprio ca âmmo truvato 'o centravanti: Cavani! Epperò n’ata ponta bbona ce vo’; Lucarelli (guallera a pparte) quanno è trasuto, ‘e primme dduje intervente so’ state dduje falle e p’ ‘o riesto à aizato póvera. Comunque'o prublema overo rummane chillo d' 'a difesa: nun è possibbile jucà cu 'nu centrale ca joca sistematicamente ê spalle d' 'o centravante e nun è ccacchio maje d'anticiparlo nè 'e capa, nè 'e piere... e s'è visto ajere: Cannavaro faceva 'o francobollo ê spalle 'e Gilardino e ll'à dato 'a pussibbilità e devià 'e pietto 'o pallone verzo D'Agostino ca po à futtuto a De Sanctis...Ora mo è overo ca 'o gollo nuosto era miezo appezzuttato, ma visto ca ce ll'avevano dato pecché perdere 'accasione 'e vencere 'a partita?
N'atu prubblema è 'mmiez' ô campo; sperammo ca torna súbbeto Pazienza mentre aspettammo 'stu Principito, pecché cu Blasi lla 'mmiezo nun è proprio cosa: è 'nu scarparo cu 'e piede dint’ê fforme! Ajere à sbagliato Mazzarri ca appena ‘o scarparo era stato ammunito ‘a primma vota, ll'avev' 'a levà súbbweto, spustà Campagnaro cchiù annante e fà trasì Grava 'ndifesa! P’o riesto po ‘a partita ll’avevam’ ‘a chiudere ô primmo tempo quanno tenevamo ancòra ‘a forza e ll’avevam’ ‘a cuntené ô secondo tempo; pe fa chesto però Lavezzi e Marekiaro avevan’ ‘a fà coccosa ‘e cchiú, e nun ll’annu fatto! ‘Ncuncrusionecomunque dicimmo ca è gghiuto bbuono accussí; nun era facile a Ffirenze soprattutto doppo d’avé jucato ggiovedí, alla fine se so’ viste ‘e cosce mosce! Cu quacche ato bbuono acquisto putessemmo arrivà luntano: ce servono comme ô ppane jucature ‘e ricambio (visto ca chille ca tenevamo se ll’annu vennute a ttutte quante!...) pe puté affruntà tutte ‘e cumpetizzione.
FORZA NAPOLI – CIUCCIO FA’TU E maledizzione â juventús!
Brak

Nessun commento: